ரௌடிகளுக்காக ஒரு வகுப்பா? :)

class of rowdies

சமீப காலமாக ஆசிரியப் பணி ஆற்றுபவர்களுக்குப் பல்வேறு பிரச்னைகள்.  மாணவன் ஒருவன் ஆசிரியை ஒருவரை அடித்ததாகவும், இன்னொரு பள்ளியில் மாணவனின் பெற்றோர் பள்ளிக்குள் அடியாட்களை அனுப்பி ஆசிரியரை அடித்ததாகவும் படிக்க நேர்ந்தது.  சென்னையிலோ உமாமகேஸ்வரி என்னும் ஆசிரியப் பெண்மணி மாணவன் ஒருவனால் கத்திக் குத்துப் பட்டு இறந்து போனார். தூத்துக்குடியிலும் கல்லூரிப் பேராசிரியர் ஒருவர் கொல்லப்பட்டார்.

இதற்குக் காரணங்கள் பல சொல்லப்பட்டாலும் பெற்றோர் தான் முக்கியக் காரணம் என்றே தோன்றுகிறது.  ஆசிரியர் கண்டித்தால் கூடத்  தங்கள் குழந்தையின் நன்மைக்கு என்பதைப் புரிந்து கொள்ளாத பெற்றோர் இருக்கும்வரை இத்தகைய செயல்களே தொடரும். முன்பெல்லாம் ஆசிரியர் கண்டித்தால் மாணவனோ, மாணவியோ அடங்குவார்கள் என்ற ஒரு கருத்து இருந்தது.  பெற்றோரே ஆசிரியரிடம் சொல்லிக் கண்டிக்கச் சொல்வதும் உண்டு.

அதற்காக ஆசிரியரும் சகட்டுமேனிக்குக் கண், மூக்குப் போகும் வரை அடிப்பது தப்பு.கண்டிப்பும் வேண்டும், கனிவும் வேண்டும்.  இங்கே மேற்கண்ட சுட்டியில் ஒரு வகுப்பு மாணவர்களை ஆசிரியை எப்படித் திருத்துகிறார் என்பதைக் குறும்படமாக எடுத்திருக்கிறார்கள்.  பதிவர் வெங்கட் நாகராஜ் இதைப் பகிர்ந்துள்ளார். அதை இங்கே நானும் பகிர்ந்திருக்கிறேன். அவருக்கு வரும் அளவுக்குக் கூட்டம் இங்கே வராவிட்டாலும் அங்கே பார்க்காத மற்றவர்கள் இங்கே பார்க்கலாமே!