வ.வா.ச.வில் அம்பி? அந்நியன்? ரெமோ? (நான் இன்னும் படம் பார்க்கலை! :P)

முதலில் எனக்குத் தொலைபேசி உதவி செய்யறேன்னு சொன்ன திரு ஆகிரா, திவா,கைப்புள்ள இன்னும் மெயில் மூலமும், பின்னூட்டங்கள் மூலமும் உதவியான யோசனைகள் கொடுத்த அனைவருக்கும் என் நன்றி. பிரச்னை இன்னும் சரியாகவில்லை என்றாலும், வலைப்பக்கத்துக்கு வர முடிகிறது. அவ்வளவு தான் உங்க அதிர்ஷ்டம். என்ன செய்ய முடியும்????????? அதிலேயும் திவாவுக்கு, அவர் எழுதும் "கைவல்லிய நவநீதம்" தொடரின் ஒரே ரசிகையும், பின்னூட்டம் அளிக்கும் அளவு அறிவாளியும் ஆன நான் எங்கே வர முடியாமல் போயிடுமோனு ரொம்பவே கவலையாப் போச்சு. அதெல்லாம் இல்லை,
சும்மா எல்லாம் விடறதில்லைனு சொல்லிட்டேன். அப்புறம் சிவராத்திரிக்குப் பதிவு இல்லையே ஜாலினு ஒரே குதி! அதுவும் இல்லை, உண்டுனு சொல்லிட்டேன், லேட்டா வந்தாலும், லேட்டஸ்டாப் போட நமக்குத் தெரியாதா என்ன?

இந்த அபி அப்பா பாருங்க முத்துலட்சுமியை மிரட்டி வலைச்சரம் ஆசிரியர் ஆனதிலே இருந்து ஒரே பெருமை தாங்கலை. அதிலே இருந்து எல்லாரும் கூப்பிட்டுப் பாராட்டிட்டே இருக்காங்களாம். பத்தாதுக்கு அவங்க டாமேஜர் வேறே எனக்கும் ப்ளாக் எழுதச் சொல்லிக் குடுப்பா, நானும் உலகளவில் பிரபலம் ஆகணும்னு வேறே கேட்டுட்டாராம். ஸ்டேடஸ் மெசேஜே, இப்போ எல்லாம் 8 பேர் கூட சாட்டிங் அப்படினு தான் போட்டுக்கறார். நேத்திக்குப் பாருங்க காலையிலே இருந்து, மத்தியானம் வரைக்கும் ஒரு மணி நேரத்துக்கு எட்டுப் பேர்னு ஆரம்பிச்சு சாட்டி இருக்கார். நான் 8888-வது ஆளாம். சொல்றார்.

அம்பி வேறே வ.வா.ச. அட்லாஸ் வாலிபர்னு ஒரே குதியல். அம்பியை வாலிபர்னு யார் சொன்னது? எனக்குப் புரியவே இல்லை. என்ன எழுதப் போறார்? அவருக்குத் தெரிஞ்சது தங்கமணி கிட்டே பூரிக்கட்டையிலே அடி வாங்கறதைப் பத்தியும், மாவு ஆட்டறதைப் பத்தியும் தான் தெரியும். இல்லைனா "கஜ கேசரி யோகம்" அப்படினு சொல்லிட்டு யானை வந்தால் கூட கேசரியை நினைச்சு ஜொல்லிட்டு இருப்பார். வேறே ஒண்ணும் இல்லைனா ஆபீஸிலே பஞ்சாப் குதிரை, ஹரியானா எருமை, குஜராத் புலி நு ஏதாவது பேத்திட்டு இருப்பார். அதை நான் போய் வேரே பார்க்கணுமாம். வேறே வேலை இல்லை? (ஹி, ஹி,உடனேயே போய்ப் பார்த்துட்டேனே? பின்னூட்டம் தான் போடலை, அம்பி கிட்டே சொல்ல வேண்டாம்.) எல்லாம் அஜித் லெட்டெர்.

அப்புறம் வேதா(ள்)வுக்குக் கல்யாணம் நிச்சயம் ஆகி இருக்கு. இதை அவங்களே அவங்க பதிவிலே சொல்லி இருப்பாங்க, என்றாலும், நானும் சொல்றேன். போன வாரம் தான் எனக்கே தெரியும். ஆனாலும் அவங்க அம்மா ஒரு மாதிரியாச் சொல்லி இருந்தாங்க, இந்த மாதிரி விஷயம்னு, வேதா மாட்டிக்கவே இல்லை, ஆன்லைனிலேயும் வரதில்லை, ஒரே பிசியாம்! :P வேதாவோட கல்யாண நாளும், என்னோட கல்யாண நாளும் ஒரு விதத்தில் ஒரே நாள். அதாவது ஆங்கிலத் தேதி, தமிழ் மாதத் தேதி, இரண்டு வரதில்லையா, இந்த இரண்டில் ஒன்று ஒரே நாள் எங்க ரெண்டு பேருக்கும். வேதாவின் கல்யாண நாளைச் சரியாகச் சொல்பவர்களுக்கு, தொண்டர் படை வந்து பின்னூட்ட மழை பொழிவாங்க.