சமோசா வாங்கிய கதை!

 நம்ம ரங்க்ஸுக்கு சமோசா என்றால் மிகவும் பிடிக்கும். பையர் இருந்தால் வண்டியை எடுத்துக் கொண்டு குஞ்சுலுவும் கூடப் போகும். வாங்கிக் கொண்டு வந்துடுவார். யாருமே இல்லையே. ஆகவே நான் சமோசா இருப்பைப் பார்த்துக் கொண்டு ஸ்விகியில் ஆர்டர் பண்ணுவேன். விலை ஒட்டிக்கு இரட்டிப்புத் தான், ஆனாலும் அவருக்கு மட்டும் வாங்குவதால் அதிகம் கணக்குப் பார்ப்பதில்லை 2 சமோசா வாங்கி ஒண்ணை இன்னைக்குக் கொடுத்துட்டு இன்னொண்ணை மறுநாளைக்காகக் குளிர்சாதனப் பெட்டியில் வைப்பேன்.  ஒரு தரம் சமோசா வாங்கினால் 2 சமோசாவுக்கு 42 ரூபாய் தான் ஆகும். ஆனால் ஸ்விகியில் 30+30 60 ரூபாய் ஜாஸ்தி வாங்கறாங்க. எல்லாம் சேர்த்து 42+60=102 ரூபாய் ஜிஎஸ்டி 5 ரூ சேர்த்து 107 ரூ வரும். ரொம்பக் கணக்குப் பார்ப்பது இல்லை. இது கொஞ்ச நாட்கள், அதாவது ஓரிரு மாதம் வரை சரியாகவே போய்க் கொண்டிருந்தது 

பின்னர் திடீரென சமோசாவை மெனுவிலிருந்து எடுத்துவிட்டு அன்றைய தினம் மாலை ஆறுமணிக்குப் பின்னரோ அல்லது மறுநாள் மதியம் பதினோரு மணிக்குன்னோ போட்டு அப்போத் தான் கிடைக்கும் எனச் சொன்னார்கள் மெனுவில். சில சமயங்களில் திடீர்னு சமோசா மெனுவில் வரும். அப்போ சமோசானு போட்டால் ஆர்டர் எடுத்துப் பணம் கொடுக்கும்வரை எல்லாம் சரியாகப் போவது போல் இருக்கும். ஸ்விகிகாரங்க ஆர்டரை வாங்கிக் கொண்டு வீட்டுக்கு வரப்போறாங்கனு செய்தியும் வரும். திடீர்னு தொலைபேசி அழைப்பு வரும். சமோசா தீர்ந்து விட்டது. வேறே ஏதானும் கொடுக்கலாமானு கேட்பாங்க. உண்மைனு நினைச்சுட்டு என்ன இருக்குனு கேட்டு அதில் அந்த ஆர்டர் செய்த பணத்துக்கு உள்ளதைக் கொடுப்பாங்க. அதுவும் அந்த 42 ரூபாய்க்கு என்ன வருமோ அது தான்.  இது கொஞ்ச நாட்களில் தொடர்கதை ஆக எனக்குச் சந்தேகம் வந்து ஒரு நாள் எனக்கு சமோசா தான் வேணும்,கிடைக்குமா, ஆர்டர் பண்ணட்டுமா? எனத் தொலைபேசியில் அந்தப் பிரபலக் கடையைக் கேட்டு அவங்க வ்ந்து வாங்கிக்கோங்கனு சொல்ல எனக்கு வ்ர முடியாது நடக்க முடியாதுனு சொல்லவும் ஆர்டர் பண்ணுங்க என்றனர்.

PC Google images

சரினு உடனே, கவனிக்கவும் உடனே ஆர்டர் பண்ணிப் பணமும் கொடுத்துட்டேன். சற்று நேரம் எந்தவிதமான செய்தியும் இல்லை. உங்க ஆர்டர் ஏற்றுக்கொள்ளப்பட்டது. வாங்கிக் கொண்டு வராங்கனு செய்தி வ்ந்தது. அப்பாடானு நினைச்சேன். அடுத்த நிமிஷமே தொலைபேசி அழைப்பு. சமோசா ஒண்ணு தான் இருக்கு. இன்னொண்ணு ஆனியன் சமோசா, அது தரலாமானு கடைக்காரர் கேட்பதாக உணவை டெலிவரி செய்யும் பையர் கேட்டார். நான் கேட்டுட்டுத் தான் ஆர்டர் கொடுத்திருக்கேன். எனக்கு இரண்டுமே ஆலு சமோசா தான் வேண்டும் எனச் சொல்லவே அது இல்லை. அதுக்குப் பதிலாக நீங்க ஆர்டர் செய்த பணத்துக்கு வேறே ஐடம் கொடுக்கிறோம்னு சொல்லவே கோபம் வாந்தது எனக்கு. ஏற்கெனவே ஒரு முறை வெங்காயப் பக்கோடா கொடுப்பதாகச் சொல்லிட்டு வெறும் அடித்தூளைக் கொடுத்து ஏமாத்தினாங்க. இத்தனைக்கும் பிரபல கடை இப்படிப் பண்ணறாங்க. யார் மேல் தப்புனு தெரியலை. நான் ஆர்டரைக் கான்சல் செய்வதாகச் சொல்லிட்டுக் கான்சலும் செய்தேன்.

உடனே வந்துட்டாங்கப்பா சாட்டுக்கும், சமாதானத்துக்கும். யாரோ ஒருத்த்ற் என்னைச் சற்றுக் காத்திருக்கும்படியும் நிலைமை என்னனு அவர் தெரிஞ்சுண்டு வருவதாகவும் சொன்னார் ஸ்விகியில் இருந்து. நான் ஒத்துக்கலை, எனக்குக் கான்சல் தான் பண்ணணும் என்று சொல்லவே உங்க பணம் தாமதமாய்க் கிடைக்கலாம் என சந்தேகமாய்ச் சொன்னார். எதுக்கும் நான் அசைஞ்சு கொடுக்கலை.. இதுக்குள்ளே கடையிலிருந்து டெலிவரி கொடுக்கும் நபர் கான்சலா? அல்லது கொண்டு வரணுமானு சீக்கிரமாச் சொல்லுங்க நான் எத்தனை நேரம் காத்துண்டு இருப்பது எனக் கோபித்தார். 2,3 முறை கூப்பிட்டு விட்டார். நானும் ஸ்விகியில் சாட் செய்தவரிடம் நிலைமையைச் சொல்லிக் கான்சலை ஏத்துக்கச் சொல்லிக் கேட்டேன். சற்று நேரம் வாதாடிய பிறகே அவர் கான்சலுக்கு ஒத்துக் கொண்டார் உடனே ஸ்விகியிலிருந்து ஒரு பெண்மணி வந்து நடந்தவற்றுக்கு மன்னிப்புக் கேட்டுட்டு, உங்க பணம் 2 நாட்களில் திரும்பக் கொடுத்துடுவோம் என்றனர். அப்பாடானு ஆச்சு எனக்கு. அதன் பின்னர் அந்தப் பிரப்லக் கடைஇயில் எதுவுமே வாங்குவது இல்லைனு வைச்சுட்டோம். அதுக்காக அவங்களுக்கு வியாபாரம் ஆகாமல் போகப் போவதில்லை. ஏதோ நம் மனசு ஆறுதலுக்காக.