ஹூஸ்டன் நகரின் சாவி

கலை நிகழ்ச்சிகள் படங்கள் கொடுத்திருக்கேன். ஆனால் படங்கள் எல்லாமும் இடம் மாறி வந்துவிட்டன. ஆகவே பொறுத்துக்கொள்ளவும். கலை நிகழ்ச்சிகள் முடிந்த பின்னர் ஹூஸ்டன் நகரின் மேயர் வந்து அனைவருக்கும் வரவேற்புச் சொல்லிவிட்டு நிகழ்வில் கலந்து கொள்ள வந்திருக்கும் அனைத்து முக்கியஸ்தர்களையும் பெயர் சொல்லி அறிமுகம் செய்து வைத்தார். பின்னர் மோதியைப் பற்றிய ஒரு சிறு அறிமுகக்குறிப்புக் கொடுத்துவிட்டு இதோ அவரே வந்து விட்டார் எனச் சொல்ல மோதி அரங்கத்தில் பிரவேசம் ஆனார். மோதியைப் பற்றியச் சிறப்பு அறிமுகத்துக்குப் பின்னர் மோதியிடம் அவரைக் கௌரவிக்கும் விதமாக ஹூஸ்டன் நகரத்தின் சாவியைக் கொடுத்தார். அதன் பின்னர் மோதி பேசிவிட்டு வந்திருக்கும் விருந்தினர் ஒவ்வொருவரையும் தனித்தனியாக விசாரித்து மரியாதை செய்த பின்னர் மேடையிலிருந்து கீழே இறங்கி முன் வரிசையில் அனைவருடனும் அமர்ந்தார். அனைவரும் திரு ட்ரம்ப் அங்கிள் வருகைக்குக் காத்திருந்தனர். அதன் நடுவே மீண்டும் கலை நிகழ்ச்சிகள் காண்பிக்கப்பட்டன. பின்னர் சுமார் பதினோரு (காலை) மணி அளவில் ட்ரம்ப் வந்து சேர்ந்தார்.