ஒரு காணொளி (?) காட்சி!

சின்னப் பெண்ணின் நடனம்

லிங்க் வேலை செய்யுது. சோதனை செய்து பார்த்துட்டேன். இந்தப் பெண் ஆடுவது அசர அடித்தது. இந்தப் பெண் ஆடும் பாடல் சிருங்கேரி சங்கராசாரியார் பாரதி தீர்த்தர் எழுதிய பாடல் என அறிந்தேன்.

"கருட கமன தவ சரண கமல" என ஆரம்பிக்கும் பாடல். நண்பர் ஒருவர் ஒரு குழுமத்தில் பகிர்ந்திருந்தார். இதையே முகநூலிலும் பகிர்ந்திருந்தார்களோ என எண்ணுகிறேன். நன்றாக அர்த்தம் புரிந்து ஆடுகிறாள் குழந்தை! மனதுக்கு நிறைவாய் இருக்கிறது.

வலது உள்ளங்கையிலே சுண்டு விரலுக்குக் கீழுள்ள பகுதி, மணிக்கட்டுக்கு அருகே வீங்கிக் கொண்டு வலிக்கிறது. ஏற்கெனவே அங்கே வலி அவ்வப்போது வரும், போகும். கண்டுக்கிறதில்லை. இன்னிக்கு ஜாஸ்தியா இருக்கிறதோடு வீக்கமும் இருக்கு. இன்னிக்கு ஞாயிற்றுக் கிழமை என்பதால் மருத்துவர் இருக்க மாட்டார். நாளை வரை பார்க்கணும்! :)

அதுக்காகக் கடமையைச் செய்யாமல் இருப்போமா என்ன? வந்து கடமையை ஆத்தியாச்சு!

நாளை சந்திர கிரஹணம். இரவு பத்தே முக்காலுக்குப் பிடித்துப் பனிரண்டே முக்காலுக்கு விடுவதாகச் சொல்கிறார்கள். ஒரு சில பஞ்சாங்கங்களில் பனிரண்டு மணிக்கே கிரஹணம் விட்டு விடுவதாகப் போட்டிருக்கு. எப்படி ஆனாலும் நாளை ராத்திரி தூக்கம் இருக்காது! ஹிஹிஹி!

மூத்த மகள் காதல் திருமணம் செய்து கொண்டதால் ஒரு குடும்பமே தற்கொலை செய்து கொண்டதாம். இன்னிக்குத் தொலைக்காட்சிகளில் அதான் முக்கியச் செய்தி!  திருமணம் செய்து கொண்ட பெண்ணின் மனோநிலையை யோசித்து ரொம்பவே வருத்தமாக இருக்கிறது. பெற்றோர் கொஞ்சம் இல்லை நிறைய அவசரப்பட்டு விட்டார்கள்.

நகை திருடுபவர்கள் விமானத்தில் சென்னைக்கு வந்து நகை பறிப்புத் தொழிலை வெற்றிகரமாகப் பயன் படுத்தி விட்டுத் திரும்ப விமானத்திலேயே டெல்லி செல்கின்றனராம். இங்கே தங்குவதற்கு, மற்றும் மற்றப் பொருட்கள் வாங்குவதற்கு ஆதார், பான் கார்ட் பயனாகிறதாம்! இதை எங்கே போய்ச் சொல்ல!  ஹை டெக் திருடர்கள்! :)