88. ஒரு ஒத்தி வைப்பு.

ஒண்ணும் இல்லைங்க. நம்ம அம்பிக்கும் கார்த்திக் முத்துராஜனுக்கும் ஒரு சின்ன மனஸ்தாபம். எதிலேனு கேக்கறீங்களா? அசினைப் பத்தி யார் கனவு காணறதுனு. இந்த கோபாலன் ராமசுப்பு இருக்காரே அவர் ஏதோ சமரசம் செஞ்சு பார்த்திருக்கார். ஒண்ணும் நடக்கலை. இரண்டு பேரும் ஒத்துக்கலை. நான் முதலில் ஒரு சின்ன ஜல்லிக்கட்டுக்கு ஏற்பாடு செய்தேன். ஆனால் இப்போ அசின் கல்யாணத்துக்கு இன்னும் 3 அல்லது 4 வருஷம் போகும்னு சொல்லிட்டதாலே அந்த ஜல்லிக்கட்டை ஒத்தி வைக்கிறேன்.

மறு தேதி குறிப்பிடாமல் எல்லாம் ஒத்தி வைக்கலை. நம்ம சென்னையின் நீர்வளத்தைப் பத்திக் கிண்டல் அடிக்கும் அம்பி சென்னையின் நீர்வளத்தைப் பத்தித் தெரிஞ்சுக்கணும் இல்லையா? அதனாலே நவம்பர் 15 தேதிக்கு மேல் நல்ல மழை பெய்யும் நேரமாப் பார்த்து அதிகம் தண்ணீர் தேங்கும் இடத்தில் ஜல்லிக்கட்டு நடக்கும் தேதி, இடம் முடிவு செய்யப்படும். நம்ம வேதா சென்னை வாசிங்கறதாலே அவங்க தலைமை தாங்க அன்புடன் இசைந்துள்ளார். அவங்க தலை மேலே நடை பெறும் ஜல்லிக்கட்டுப் போட்டிக்கு அலை கடலெனத் திரண்டு வராதீர். மழையில் நனைஞ்சு உடம்புக்கு வரும். அவங்க அவங்க வீட்டிலேயே இருந்து மழையில் நனையாமல் பார்த்துக் கொள்ளும்படிக் கேட்டுக் கொள்ளப்படுகிறார்கள்.

மாட்டுக்குக் கொம்பு சீவவும், அதன் உடம்பில் விளக்கெண்ணை தடவவும், மூடிய டெண்டர்கள் கோரப்படுகின்றன. ஜாஸ்தி கமிஷன் யார் தராங்களோ அவங்களுக்கு ஆர்டர் தரப்படும். இல்லாட்டி பின்னூட்டங்கள் என்னோட பதிவிலே கொடுத்து வந்தாலே போதும்.

(இப்படியெல்லாம் கேட்டுப் பின்னூட்டம் வாங்கணுமா? கேவலம், கேவலம்) இது யாருனு பார்க்கறீங்களா? என்னோட மனசாட்சி, அப்போ அப்போ வந்து தொல்லை கொடுக்கும், தமிழ் சினிமா வில்லன் மாதிரி.