91. ஒரு அதிரடி நடவடிக்கை

வலை உலக நண்பர்களுக்கு ஒரு முக்கியமான அறிவிப்பு. இதனால் தெரிவித்துக் கொள்ளப்படுவது என்னவென்றால், வருகிற நவம்பர் மாதம் கொட்டுகிற மழையில் நம்ம அம்பிக்கும் (Brutus), கார்த்திக் முத்து ராஜனுக்கும் நடைபெறவிருந்த ஜல்லிக்கட்டுப் போட்டி நிரந்தரமாக ரத்து செய்யப் பட்டது. இதைப் பற்றி நம் வலை உலகச் செய்தி சேகரிப்பாளர்கள் தெரிவிப்பது என்னவென்றால்:
************

சதி அம்பலம், வேதாவின் துரோகம்.

ஜல்லிக்கட்டுப் போட்டி

வலை உலகில் பிரசித்தி பெற்று இருக்கும் கீதா சாம்பசிவம் அந்த வலை உலகில் எப்போதாவது மொக்கைப் பதிவு எழுதும் அம்பிக்கும், முடிஞ்ச போது நல்ல பதிவு எழுதும் கார்த்திக்குக்கும் ஜல்லிக்கட்டுப் போட்டி வைத்து விட்டு அதை நவம்பரில் கொட்டுகிற மழையில் வைத்தால் தான் நல்லது என்று தீர்மானித்தது நாம் அனவரும் அறிந்ததே.

அசினைப் பற்றிய கனவு

முன்னதாக அம்பிக்கும், கார்த்திக்குக்கும் இருந்து வந்த அசினைப் பற்றி யார் கனவு காண்பது என்ற விஷயத்தில், நடுவர் கோபாலன் ராமசுப்பு அவர்கள் அம்பி, அசினுக்குத் தம்பி என்று தீர்மானித்ததும் அதை அம்பி ஏற்றுக் கொள்ளாததும் நேயர்கள் அனைவரும் அறிந்ததே. அதனால் தவிர்க்க முடியாமல் தலைவி (நான் தான்) இந்த அறிவிப்பைச் செய்தார் என்பதும் நீங்கள் அறிந்த விஷயமே. வேதாவின் தலை மேல் ஜல்லிக்கட்டு ஏற்பாடு செய்திருக்கும் வேளையில் வேதா அவங்க தலைவியான கீதாவின் மனம் புண்படும் வகையில்:-) அவரைப் பற்றி வயசானவர் என்று கூறி ஒரு பதிவு எழுதியதைப் பார்க்கும்போது இந்தச் செய்தியில் அம்பியும் சம்மந்தப்பட்டிருப்பாரோ என்ற சந்தேகம் எழுவது நியாயமானதே. அதை நிரூபிக்கும் வகையில் நேற்று அம்பி கீதாவிற்கு மெயில் அனுப்பி அதைப் பார்க்கச் சொல்லித் தூண்டியதில் அவர் மிகுந்த மனக்கிலேசம் அடைந்துள்ளதாகத் தெரிய வருகிறது. தன் தலைமேல் நடக்கவிருக்கும் ஒரு விஷயம் பற்றித் தெரிந்து கொண்டும் கூட, அதற்குத் தீர்ப்புச் சொல்ல வேண்டிய பெரும் பொறுப்பைச் சுமந்து கொண்டும் கூட, வேதா அம்பியுடன் சேர்ந்து கொண்டு இந்தச் சதியைச் செய்ததாக நம்பத் தகுந்த வட்டாரங்கள் தெரிவிக்கின்றன. அம்பி வேதாவின் வலைப் பக்கத்தில் பின்னூட்டத்தில் தான் ஒரு பாட்டில் தேன் குடித்த மாதிரி இருக்கிறது என்று சொன்னதில் இருந்து இது அம்பியும் வேதாவும் சேர்ந்து செய்த சதி என்று வெட்ட வெளிச்சமாகத் தெரிகிறது. (ஹி,ஹி,ஹி,ஹி, அந்தத் தேன் பாட்டிலை எடுத்துட்டு விளக்கெண்ணெய் பாட்டிலை வச்சுட்டேன். அம்பி இனிமேல் ஒரு பத்து நாள் வலைப்பக்கம் வரமுடியாது. ஹி,ஹி,ஹி,ஹி,). நாகை சிவா மற்றும் கார்த்திக் முத்துராஜன் இருவரும் மெளனமாக இருப்பதும் சந்தேகத்திற்கு அறிகுறிதான். புதரகம் சென்றதும் பொன்ஸ் மறைத்து வைத்த பொற்குவியலில் இருந்து நாகை சிவா எல்லாருக்கும் கையூட்டுக் கொடுத்து விஷயம் வெளியே வராமல் பார்த்துக் கொண்டிருக்கிறார் என்பது தெரிய வருகிறது.(இன்னொரு Brutus). வ.வா.சங்கத்தின் கணக்கு, வழக்கு மற்றும் நாகை சிவாவால் செய்யப்பட்ட செலவு இதைப் பற்றி ஆராய ஒரு விசாரணக் கமிஷன் போட வேண்டும் என்று வலை உலக மக்கள் கோரிக்கை விடுத்துள்ளார்கள். ஆனால் தலைவி, தாயுள்ளத்தோடு அவர்கள் தலைவியின் பதிவில் பின்னூட்டம் இட்டால் போதும், அதை விடப் பெரிய தண்டனை எதுவும் இல்லை என்று தெரிவித்து விட்டார்.

தலைமை

ஆனால் இது பற்றிய உண்மை நிலவரத்தை ஆராய தி.ரா.ச. தலைமையில் மின்னல் தாத்தா, சின்னக்குட்டி, நன்மனம், பெருசு, தம்பி ஆகியோர் அடங்கிய ஒரு குழு அமைக்கப் பட்டுள்ளது. குழு அறிக்கை சமர்ப்பித்ததும் மேல் நடவடிக்கை எடுக்கப் படும் என்று தெரிகிறது.
வ.வா. சங்கம்

வ.வா. சங்கத்தின் ஒப்பற்ற தலைவர் கைப்புள்ள அதன் மகளிர் அணியின் நிரந்தரத் தலைவலி கீதா சாம்பசிவத்தை ஆதரிப்பதும் தெரிந்ததே. ஆகவே இந்தக் கோணத்திலும் புலனாய்வு செய்யப்படுகிறது. தலைவர் "கைப்புள்ள' என்பதால் அசின் பற்றியும் 9தாரா பற்றியும் எதுவும் அறிந்திருக்கவில்லை. இது பற்றி அறிந்த தலைவி அவருக்கு இலவச ட்யூஷன் எடுத்தும் அவர் புரிந்து கொள்ளாததால் "கோவை சரளா" "கைப்பொண்ணு" போன்ற பெயர்களைக் கேட்டால் பயந்து நடுங்குவதாலும் தலைவரைக் கண்டு உண்மை நிலவரம் தெரிந்து கொள்ள முடியவில்லை.

நாளை சனிக்கிழமை

மறுநாள் சனிக்கிழமை, அடுத்து ஞாயிறு (என்ன ஒரு கண்டுபிடிப்பு) என்று இரண்டு நாள் விடுமுறை வருவதால், அந்தச் சமயம் தான் ஒளிந்து கொள்ள வசதி என்று அம்பி வெள்ளிக்கிழமையைத் தேர்ந்தெடுத்திருக்கிறார் என்பது வெட்ட வெளிச்சமாகப் பார்க்க முடிகிறது. யார் என்ன செய்தாலும் தலைவியின் வயதைக் கூட்டவோ, குறைப்பதோ தலைவியின் சொந்த இஷ்டம் என்பதும் அதில் யாரும் தலையிட முடியாது என்பதும் எல்லாரும் அறிந்த உண்மை.
வழக்கு

நாளை மறுநாள் திங்கள் அன்று வழக்குக் கோர்ட்டுக்கு வரும் என்றும், அம்பி கைது செய்யப் படுவாரா? அல்லது சரண் அடைவாரா என்றும் வலை உலகப் பொதுமக்கள் ஆவலுடன் எதிர்பார்க்கிறார்கள்.