கண்டு கொண்டேன், கண்டு கொண்டேன்!

என்னமோ ஆயிடுச்சுஇங்கே பாருங்க. கடைசியிலே நானே தொழில்நுட்ப நிபுணியா மாறி என்ன பிரச்னைனு கண்டு பிடிச்சுட்டேன். என்னோட பேசும் பொற்சித்திரமேஇந்தப் பதிவிலே நான் படம் காட்டறச்சே எல்லாம் ரா.ல. தான் எங்கேயோ இருந்து மோப்பம் பிடிச்சுட்டு வந்து பார்த்து ஊக்கு வித்துட்டுப் போவார். ஒரு ஊக்கும் அழுத்தமா இல்லை. எல்லாம் முனை முறிஞ்சு போச்சு! இப்போப் பாருங்க, அங்கே ஒரு நாளைக்கு எங்க ஊரு வராஹ நதியைப் பத்திப் போட்டால் திடீர்னு வல்லி வந்து பார்த்துட்டுப் போனாங்க. அவங்களுக்கு அப்படி ஒரு பதிவு இருக்கிறதே தெரியுமானு சந்தேகமா இருக்கிறச்சே எப்படி வந்தாங்க??

அன்னிக்கே வல்லியோட கமெண்ட் தி.வா.வுக்குப் போய் அவர் தனியா மடல் கொடுத்து இப்படி ஒரு பதிவே என் கிட்டே இல்லையே, ஆனால் இது என்னோட பதிவுனு சொல்லுதேனு கேட்டிருந்தார். எல்லாம் தலை எழுத்துனு நொந்து நூலாகிப் போனால் அவரோட பின்னூட்டம் மெளலிக்குப் போக, அப்புறமா சாவகாசமா ரா.ல. வந்து பின்னூட்டினாங்க. அவங்க பின்னூட்டினாங்களோ இல்லையோ, உடனே அது அவசரம் அவசரமா கவிநயா கிட்டே போயிடுச்சு. அவங்க வந்து என்னம்மானு அன்போட விசாரிக்கிறாங்க. நான் எட்டிக் கூடப் பார்க்கலையே? ஆனால் எல்லாப் பின்னூட்டமும் எனக்கு வருதேனு கேட்கவே, மெளலி வந்து ஆமோதிக்கிறார். கறுப்பு கிட்டே நான் தான் சொல்லிட்டேனாம். என்னவோ பண்ணிடுச்சாம் கறுப்பு. என்னத்தைச் சொல்றது??

மண்டையை உடைச்சுட்டு எல்லா செட்டிங்க்ஸ்லேயும் போய்ப் பார்த்துட்டே இருந்தேன். புரியவே இல்லை. நேத்திக்கு சாயந்திரம் போதிமரத்தடியில் உட்கார்ந்து பேசிட்டு இருந்தேனா? அப்போ ஞானோதயம் வந்துடுச்சு. உடனே போய்ப் பார்த்தேன் கமெண்ட்ஸ் பகுதியிலே. அங்கே கமெண்ட்ஸ் எல்லாம் எனக்கு வரணும்னு என்னோட மெயில் ஐடியை நான் கொடுத்திருக்க எல்லா கமெண்ட்ஸும் ரேவதிக்கு, திவாவுக்கு, மெளலிக்கு, அம்பிக்கு, கவிநயாவுக்கு, திராசவுக்குனு போயிட்டிருக்கு. என்ன அநியாயம் பாருங்க?? எல்லாரும் இதுக்கு பதில்கமெண்ட் கொடுத்தும் அம்பியும், திராச சாரும் எல்லாத்தையும் வாங்கி வச்சுட்டு திருப்பியே கொடுக்கலை. க்ர்ர்ர்ர்ர்ர்ர்ர் போகட்டும். எல்லாத்தையும் எடுத்துட்டேன். இனிமேலே அந்தப் பதிவுகளிலே எனக்கு யாரானும் கமெண்டினாங்கன்னா யாருக்கும் வராது. எல்லாம் போய் நிம்மதியாத் தூங்குங்கப்பா! எப்போவோ அபூர்வமா வர ஒண்ணு ரெண்டு கமெண்டையும் கெடுத்து வச்சுட்டீங்க! :P