தாமதமான புத்தாண்டு வாழ்த்துகள்!

நண்பர்கள் அனைவருக்கும் இனிய புத்தாண்டு நல்வாழ்த்துகள்!

இன்னும் ஒரு வாரத்துக்குக் கொஞ்சம் வேலை மும்முரம் இருக்கும். அதுக்கு அப்புறமாப் பழைய குருடி, கதவைத் திறடி தான். :) இங்கே உம்மாச்சிங்க அனைவரும் ஏகப்பட்ட குழப்பத்தில் இருக்காங்க. எல்லோரையும் போய் ஒரே நாளில் நாலைந்து பேர் எனப் பார்த்ததில் என்ன அருளணும், எப்படி அருளணும்னு அவங்களுக்குப் புரியலை!  மேலிடத்துக்குக் கேட்டிருக்காங்க போல.

கைலையிலிருந்தும், வைகுண்டத்திலிருந்தும், சத்யலோகத்திலிருந்தும் முறையே பிரம்மா, விஷ்ணு, சிவன் ஆகியோர் எட்டிப் பார்த்து ரசித்துக் கொண்டிருக்க, இங்கே உள்ள அவங்களோட அம்சங்களான உம்மாச்சிங்களும், நவகிரஹங்களும் திருதிரு!  ஒருத்தருக்கொருத்தர் அவசர ஆலோசனை. கொளஞ்சியப்பனோ உருவமில்லாமல் மறைந்திருந்து குரல் மட்டும் கொடுக்க, பூவராஹரோ, பூமாதேவியை தூக்கிக்கொண்டு மேலே வந்து பார்க்கிறார்.










இத்தனைக்கும் நடுவில் நடராஜர் எந்தக் கவலையுமில்லாமல் ஆனந்தத் தாண்டவம் ஆடுகிறார்.  திருவெண்காட்டு நங்கை எங்க ஊருக்கும் வாங்க என அழைக்க, அங்கிருந்து ஒருவழியாக் குடந்தை ஜோசியரைப் பார்க்கலாம்னு போனால், முடியலை! அலுப்பு.  நேரே நம்ம ஊருக்கே போயிடலாம்னு வைகுண்ட ஏகாதசியும் அதுவுமாப் பெருமாளைப் பார்க்க, அவரும் ரொம்பநாள் கழிச்சு பார்த்த சந்தோஷத்தில் கேசரி, சர்க்கரைப் பொங்கல், வெண்பொங்கல்னு கொடுத்து உபசரித்தார். அங்கிருந்து அவரோட அம்சம் ஆன மாரியம்மனைப் பார்த்தால் அங்கேயும் சர்க்கரைப் பொங்கல், பஞ்சாமிர்தம் கிடைச்சது.

பின்னர் சற்குணேஸ்வரரையும், சர்வாங்கத்தையும் வந்து பார்த்து விட்டு அவங்க கிட்டே விடைபெற்றுக் கொண்டு கர்ப்பரக்ஷகியைப் பார்க்கணும்னு நினைச்சால் வழியிலேயே ஶ்ரீநிவாசப் பெருமாள் என்னை வந்து பார்னு சொல்ல, கல் கருடன் மாதிரி கனத்திருந்த என்னோட உடலைத் தூக்கிக் கொண்டு மேலே ஏறுவது முடியாதுனு தோண, வழியிலேயே வீதி உலா வந்து பெருமாள் அருள் பாலித்தார். மதியச் சாப்பாட்டைத் தியாகம் செய்துட்டு கொஞ்சம் ஓய்வு எடுத்துக் கொண்டு கரு காத்த நாயகியைப் போய்ப் பார்த்தால் கூட்டமோ கூட்டம்!

எப்படியோ சமாளிச்சுட்டு உள்ளே போய்ப் பார்த்துட்டு ஒருவழியா நேத்து சாயந்திரம் ஏழரை மணி அளவில் ஶ்ரீரங்கம் வந்தால் அம்மாமண்டபம் ரோடிலேயே விடமாட்டேன்னுட்டாங்க. வழியை எல்லாம் மாத்தி, எப்படியோ அலைய வைச்சு, சுத்திக் கொண்டு தலையைச் சுத்தி மூக்கைத் தொட்டு ஒரு வழியா வீட்டுக்கு வந்து சேர்ந்தோம்  நம்ம ரங்குவைப் போய்ப் பார்க்கலை. இப்போப் போக முடியுமானும் தெரியலை!  பார்ப்போம். ரங்குவுக்கு மனசு இருந்தா கூப்பிடுவார். இல்லைனா இல்லை தான்.


இந்தப் படங்கள் கொடுத்தது வழக்கம்போல் கூகிளாண்டவர் தான்.  நாம எடுத்திருக்கும் படங்கள் பின்னால் வரும். எப்போனு தெரியாது! :)