அவசர உதவி தேவை

தமிழ் மணம் நண்பர், நண்பிகளுக்கும், முத்தமிழ்க்குழும நண்பர்களுக்கும் ஒரு அவசர வேண்டுகோள். என்னோட கணினியில் வைரஸ் வந்து அதை நீக்கிவிட்டுப் பின்னர் கணினியை re-format செய்து ஒரு மாதம் ஆகிறது. McFee Security போட்டது முதல் ஜிமெயில் ஹாங் ஆக ஆரம்பித்தது. சில சமயம் தானே சரியாகும், சில சமயம் ஆகாது. பின்னர் இணைய இணைப்பும் விட்டு விட்டு வரவே, இணைப்பில் கோளாறு என டாடா கம்யூனிகேஷன்ஸில் புகார் செய்து அவர்களும் ஒரு மாதமாகப் பலவித முயற்சிகளுக்குப் பின்னர்,link, portal, channel, செர்வெர் எல்லாம் மாற்றி நேற்று இணைப்புச் சரி செய்யப் பட்டது. ஆனால், அப்போதும் ரொம்பவே மெதுவான வேகம் குறைந்த இணைப்பே வந்தபடியால் McFee Securityயை நீக்கிவிட்டுப் பின்னர், முயன்ற போதும் இண்டர்நெட் எக்ஸ்ப்ளோரரில் எந்த விதமான தளங்களும் திறப்பதில்லை. ஹோம்பேஜ் ஆன யாஹூ மெயில் வருகிறது.அதைத் திறந்து மெயில் பார்க்கமுடியவில்லை. கிட்டத் தட்ட ஒரு மாதமாய்த் திறக்காமல் இருந்த யாஹூ மெசஞ்சர் திறந்து கொண்டது. ஆனால், யாஹூவில் கடவுச்சொல்லைப் போட்டுத் திறக்க முயன்றால் திறப்பதே இல்லை. Javascript is not enabled in your computer என்று செய்தி வருகிறது. அதை எனேபிள் செய்துவிட்டுப் பின்னர் முயற்சி செய்யச் சொல்கின்றது. ஜிமெயில் திறப்பதே இல்லை. வலைப்பக்கம் கடும் முயற்சிக்குப் பின்னர் திறக்கிறது. ஆனால் புதுப் பதிவு போடும் பக்கத்தில் உள்ள இணைப்புக்கள், எழுத்தை போல்ட் ஆகச் செய்யும் குறியீடு, மற்றும், டாக் சேர்க்கும் குறி,இமேஜஸ், வீடியோ இணைக்கும் இணைப்பு இவை எல்லாம் காணவில்லை. ஆனால் நெருப்பு நரியில் இவை வருகின்றன. ஆகவே நெருப்பு நரியை நிறுவிவிட்டுப் பார்த்தால் வலைப்பக்கம் வருது. ஆனால் மெயில் திறப்பதில் அதே கஷ்டம்.

பின்னர் நெருப்பு நரியை நிறுவி அதில் முயன்றால் கொஞ்சம் கொஞ்சம் வலைப்பக்கங்கள் சில குறிப்பிட்டவை மட்டுமே வருகின்றன. மற்றவை வருவதில்லை. நெருப்பு நரியிலும் யாஹூ மெயில் திறப்பதில் என்னுடையது யாஹூ பீட்டா வருவதில்லை, standard mail தான் வருது, அதுவும் திறக்க நேரம் ஆகுது. ஜிமெயில் திறக்கவும் நேரம் எடுக்குது. Basic HTML-ல் தாற்காலிகமாய்ப் போய்ப்பார்க்கவும், இல்லை எனில் பக்கத்தைப் புதுப்பிக்கவும், அல்லது கூகிள் உதவிக்குப் போய்ப் பார்க்கவும்னு செய்தி வருது. இணையம் சேவை கொடுக்கும் டாட்டா கம்யூனிகேஷன் டெக்னிகல் ஆட்கள் Internet Explorerஐ மட்டும் திரும்பவும் புதியதாய் நிறுவச் சொல்கின்றார்கள். ஆனால் எங்க கணினியைப் பார்க்கும் வைத்தியர் அம்மாதிரிச் செய்தால் எல்லா பைலும் போயிடும்னு சொல்லுகின்றார். இப்போவும், ஜிமெயில் திறந்து பாதி எழுதும்போதே திடீர்னு கணினியில் செயல்பாடு நின்றுவிட்டது. மறுபடியும் எல்லா முயற்சியும் செய்து பின்னர் இப்போது என் வலைப்பக்கம் திறந்து கொண்டது. ஜிமெயில் கடும் முயற்சிக்குப் பின்னர் திறந்துள்ளது.

இந்நிலையில் என்ன செய்யலாம் என்று யோசனை கொடுத்தால் உதவியாக இருக்கும். இண்டர்நெட் எக்ஸ்ப்ளோரர் மட்டும் தனியாக நிறுவ முடியுமா, அல்லது கணினியில் மீண்டும் re install or re format செய்யவேண்டுமா? அல்லது இணையம் கொடுக்கும் டாடா கம்யூனிகேஷன்ஸ் தான் இதுக்குப் பொறுப்பா? ஒரே குழப்பமாய் இருக்கிறது. டிசம்பரில் இருந்தே பிரச்னைதான், என்றாலும் போயிட்டுப் போயிட்டு வந்தது. இப்போ இணைப்பு வருகிறது. ஆனால் brousing பிரச்னை. தொழில்நுட்ப நிபுணர்களால் உதவ முடியுமா?