ஹிஹிஹி, ஒரு சின்னப்புள்ளி விபரம்!

மக்கள்ஸ் இதுவரை பார்த்த பதிவுகளிலே அதிகம் பார்வையிடப்பட்ட பதிவுன்னா கடந்த ஒரு மாசத்திலே ஶ்ரீரங்கத்தில் வலைப்பதிவர்கள் சந்திப்புப் பத்தின பதிவு தான்.

இரண்டாம் இடத்தைப் பெறுவது ஒரு இடியாப்பம் புளி உப்புமா ஆகிறது பதிவும்  சோள இட்லியும், குடமிளகாய்க் கொத்சு/கொஸ்து(?)வும் பதிவும் முறையே மூன்று புள்ளிகளில் தங்கள் இடத்தைத் தக்கவைத்துக் கொள்ளப் போட்டியிடுகின்றன.

மூன்றாம் இடத்தைப் பெறுவது சோள இட்லியில் செய்த தோசைப் பதிவு!

என்னடா இதுப் புதுமாதிரியானு பார்க்கிறீங்களா? கொஞ்சம் இறுக்கமா இருந்த மனதைத் தளர வைக்க வேண்டிப் போட்டிருக்கேன். எனக்கு நானே ஊக்கப்படுத்திக்கலைனா யார் செய்வாங்க?

அதோட இது வரவுசெலவுக் கணக்கு விபரங்களைக் குறித்து வாதாடும் நேரம். குறைஞ்ச பட்சமா நாம இந்தப் புள்ளி விபரம் கூடக் கொடுக்கலைனா எப்பூடி?

சமீபத்தில் மீண்டும் மீண்டும் நினைத்து நினைத்துச் சிரிக்க வைத்த ஒரு விஷயம் எல்லோரும் எனக்கு என்னமோ எல்லாம் தெரியும், மேதாவினு நினைக்கிறாங்க! என்னை மாதிரி ஒரு அடிமுட்டாள் கிடையாதுனு யாருக்கும் தெரியலை! இந்தக்கொடுமையை எங்கே போய்ச் சொல்ல! :))))