நேற்றைய பயணத்தின் படங்கள் சில!

இதனால் அறிவிக்கப்படுவது யாதெனில் நான் இந்திய நேரப்படி இரவு(மாலை) ஏழு மணிக்குப் பின்னர் இணையத்தில் இருக்க மாட்டேன் என்பதை அறிக! நீங்க அனுப்பும் மின் மடல்கள், பதிவின் சுட்டிகள், என்னோட பதிவுக்கான கருத்துகள் மற்றத் தனிமடல்கள் ஆகிய எதுவானாலும் மறுநாள் தான் பார்ப்பேன்.  அதுவும் தினம் தினம் காலை வேளையில் உட்கார மாட்டேன். ஆகவே என்னிடமிருந்து தாமதமான பதில் வந்தாலோ, பின்னூட்டங்கள் வெளியிடப்படவில்லை என்றாலோ கவலைப்பட வேண்டாம். செரியா?

நேற்றுக் கும்பகோணத்துக்கு ஒரு முக்கியமான கல்யாணத்துக்காகப் போயிருந்தோம். கல்யாணம் முடிந்ததும் அங்கிருந்து எங்கள் குலதெய்வமான மாரியம்மனைப் பார்க்கப் போனோம். நாங்கள் போவதற்கு முதல் நாள் தான் மாரியம்மன் புறப்பாடு கண்டருளி இருக்கிறாள். அலங்காரம் அப்படியே இருந்தமையால் அங்கே வைத்திருந்ததைப் படம் பிடிச்சேன். ஹிஹிஹி, அலைபேசியில் தான்! இப்போத் தான் மெல்ல மெல்லக் கத்துட்டு இருக்கேன். ஆகவே படம் நல்லா இல்லைனு சொல்லப் போகும் தொ.நு.நி.களுக்கு முன் கூட்டிய க்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்ர்!

அங்கிருந்து பக்கத்து ஊரான கருவிலி என்னும் சற்குணேஸ்வரபுரம் போயிருந்தோம். நான் கல்யாணம் ஆகிப் புக்ககம் வந்தது கருவிலிக்குத் தான். மாமனாரின் நிலங்கள் அங்கே தான் இருந்தன. ஆகவே அங்கே இருந்த வீடு ஒன்றில் அவங்க குடும்பம் இருந்தது. அங்கே உள்ள சற்குணேஸ்வரர் கோயில் பாடல் பெற்ற தலம். கொட்டிட்டைக் கருவிலி என நாவுக்கரசர் பாடி இருக்கிறார்.

மட்டிட் டகுழ லார்சுழ லில்வலைப் 

பட்டிட் டுமயங் கிப்பரி யாதுநீர் 

கட்டிட் டவினை போகக் கருவிலிக் 

கொட்டிட் டையுறை வான்கழல் கூடுமே.

5.69.1

692

ஞால மல்கு மனிதர்காள் நாடொறும் 

ஏல மாமல ரோடிலை கொண்டுநீர் 

கால னார்வரு தன்முன் கருவிலிக் 

கோல வார்பொழிற் கொட்டிட்டை சேர்மினே.

5.69.2

693

பங்க மாயின பேசப் பறைந்துநீர் 

மங்கு மாநினை யாதே மலர்கொடு 

கங்கை சேர்சடை யான்றன் கருவிலிக் 

கொங்கு வார்பொழிற் கொட்டிட்டை சேர்மினே.

5.69.3

694

வாடி நீர்வருந் தாதே மனிதர்காள் 

வேட னாய்விச யற்கருள் செய்தவெண் 

காட னாருறை கின்ற கருவிலிக் 

கோடு நீள்பொழிற் கொட்டிட்டை சேர்மினே.

5.69.4

695

உய்யு மாறிது கேண்மின் உலகத்தீர் 

பைகொள் பாம்பரை யான்படை யார்மழுக் 

கையி னானுறை கின்ற கருவிலிக் 

கொய்கொள் பூம்பொழிற் கொட்டிட்டை சேர்மினே.

5.69.5

696

ஆற்ற வும்மவ லத்தழுந் தாதுநீர் 

தோற்றுந் தீயொடு நீர்நிலந் தூவெளி 

காற்று மாகிநின் றான்றன் கருவிலிக் 

கூற்றங் காய்ந்தவன் கொட்டிட்டை சேர்மினே.

5.69.6

697

நில்லா வாழ்வு நிலைபெறு மென்றெண்ணிப் 

பொல்லா வாறு செயப்புரி யாதுநீர் 

கல்லா ரும்மதில் சூழ்தண் கருவிலிக் 

கொல்லே றூர்பவன் கொட்டிட்டை சேர்மினே.

5.69.7

698

பிணித்த நோய்ப்பிற விப்பிறி வெய்துமா 

றுணர்த்த லாமிது கேண்மின் உருத்திர 

கணத்தி னார்தொழு தேத்துங் கருவிலிக் 

குணத்தி னானுறை கொட்டிட்டை சேர்மினே.

5.69.8

699

நம்பு வீரிது கேண்மின்கள் நாடொறும் 

எம்பி ரானென் றிமையவ ரேத்துமே 

கம்ப னாருறை கின்ற கருவிலிக் 

கொம்ப னார்பயில் கொட்டிட்டை சேர்மினே.

5.69.9

700

பாரு ளீரிது கேண்மின் பருவரை 

பேரு மாறெடுத் தானை யடர்த்தவன் 

கார்கொள் நீர்வயல் சூழ்தண் கருவிலிக் 

கூர்கொள் வேலினன் கொட்டிட்டை சேர்மினே.

5.69.10

அந்தக் கோயிலுக்குச் சென்றிருந்தபோது நேற்று ஆனித்திருமஞ்சனத்திற்காக நடராஜருக்கு வழிபாடுகள் நடந்து கொண்டிருந்தன. முன்னால் இருந்த நடராஜர், பாலூர் நடராஜரோடு வெளிநாடு சென்று விட்டார்!  ஆகவே இப்போது கும்பாபிஷேஹம் செய்தபோது திரு கிருஷ்ணமூர்த்தி அவர்கள் (பெல்) புதிதாக நடராஜரை ஸ்தாபிக்கச் செய்தார், அவருக்குத் தான் இப்போது வழிபாடுகள் நடந்து வருகின்றன. 

கோயிலின் வெளிப்பிரகாரச் சுற்று மதிலில் ஓர் இடத்தில் நர்த்தன கணபதி சின்ன உருவமாக இருப்பார். அவர் தலைப்பக்கம் ஒரு சின்ன ஓட்டை.பள்ளி நாட்களிலே எல்லாம்  அந்தப் பிள்ளையாருக்கு அபிஷேஹம் செய்து  தலைப்பக்கம் இருக்கும் சின்ன ஓட்டையில் பூ செருகி வழிபடுவாராம் நம்ம ரங்க்ஸ். ஒவ்வொரு முறையும் அவரைப் படம் எடுப்பேன். நேற்று எடுத்த படங்கள் கீழே!

பக்கத்தில் இன்னொரு சிற்பத்தில் யாரோ எதையோ தலையில் தூக்கிச் செல்வது வடிக்கப்பட்டிருக்கிறது, அதுவும் சேர்ந்து கீழே!